မှတ်မှတ်ရရ (၄).......
၁၀ တန်းအောင်စာရင်းတွေထွက်တဲ့နေ့.......
ကျွန်တော့ရဲ့ ဒုတိယ ၁၀ တန်း နှစ်......
ကျောင်းတက် စာမေးပွဲ ဖြေတော့ ဖြူးမြို့မှာ.....
အောင်စာရင်းထွက်တော့ ကျွန်တော်တို့မိသားစုက တောင်ငူကို ပြောင်းသွားကြပြီ၊
ရလာဒ်က ၃ ဘာသာ ဂုဏ်ထူး ၊ မြို့နယ် ပထမ
အမေ့ရဲ့ သားအပေါ်မှာ ဂုဏ်ယူတဲ့ အပြုံး........
လာသမျှ ဧည့်သည်တွေကို သား ဘယ်လောက်တော်ကြောင်း ပြောဆိုနေတဲ့ .... ၀င့်ကြွားတဲ့ အသံ.....
ဖြူးမြို့မှာ ဆုသွားယူတုန်းက အမေ့ရဲ့ သားအပေါ် အားရကျေနပ်နေတဲ့ ဟန်ပန်........
ဒါတွေကို ကျွန်တော် ဘယ်တော့မှ မမေ့ဘူး အမေ။......................
မှတ်မှတ်ရရ (၅) .......
စက်မှုတက္ကသိုလ်ကို သွားတက်မဲ့နေ့........
ဘူတာရုံမှာ အမေ နဲ့ အဖေ လိုက်ပို့ကြတယ်....
အမေ ရဲ့ သားလေးအပေါ် စိတ်မချလို့ တတွတ်တွတ်မှာနေတဲ့ အသံကို ကျွန်တော် ခုချိန်ထိ ကြားယောင်နေဆဲပါ အမေ။.............
ရထားထွက်တဲ့အချိန်မှာ..... မျက်ရည်ဝဲနေတဲ့ အမေ့ရဲ့ နှုတ်ဆက်ပုံလေးကို ကျွန်တော် မျက်စိ ထဲက မထွက်ပါဘူး အမေရယ်။.........................
ကျွန်တော့ရဲ့ အဲဒီ အချိန်တုန်းက အခံစားရဆုံး ထိထိခိုက်ခိုက် ရှိခဲ့တဲ့ သီချင်းတစ်ပုဒ်က ထူးအိမ်သင်ရဲ့ အမေ့အိမ်............. အဲဒီတုန်းက ရန်ကုန်မြို့ရဲ့ ရထားဥသြသံ ဟာ......... ကျွန်တော့ ကို အိမ်ကို ပြန်တွန်းပို့တဲ့ အသံပါပဲ.... ခုချိန်မှာတော့ ကျွန်တော် မကြားချင်ဆုံး အသံဟာ.... အဲဒီ ရထားဥသြသံ ဖြစ်နေပါပြီ အမေရယ်။..................
No comments:
Post a Comment